Медицинада қалдың бір ғана түрі бар. Дәрігерлердің айтуынша, ол адамның бала күнінен 20-25 жасқа дейін пайда болады.

Жас келген сайын адамның меңі ақырындап қана өседі, аздап формасы өзгереді. Түсі де өзгеріп, дене түсіндей болуы мүмкін. Бұл қалыпты жағдай. Ал, кей жағдайда тез өсіп, түсін өзгертеді, беткі қабаты да өзгеруі мүмкін. Беті қышып, ауыруы да мүмкін. Ондай жағдайда дәрігерге қаралған дұрыс. Оның соңы ауыр жағдайға ұласуы мүмкін.

25-30 жастан соң шығатындар мең емес. Олардың зияны да болмауы мүмкін. Сырттай қарағанда сыртқа томпайып шығатын етке ұқсайды. Бірақ, зиянды емес. Олар ультрасәуле әсерінен пайда болып жатады.

Тумысынан пайда болатын томпайған етті қалдарды үнемі дәрігерге қаратып тұру керек. Егер шектен тыс үлкен болса, алдырып тастау керек. Сонымен қатар жарақат пен ультрасәулелі күйдіруден сақтану керек.

Егер етті қалдар баланың беті мен жағында болса, ол кейін сақалын қырғанда зияны тиетін болады. Шаш арасындағы осындай қалдарды да ер жастан алдыру керек. Оған жуғанда, тарағанда зияны тиеді. Арқадағы қалдарға да киімдер тиіп жарақаттауы мүмкін.

Қара дақтың 20 пайызы ғана қалдан пайда болады, 80 пайызы сау теріде пайда болады.