Құранда түннің біз білмейтін сырлары айтылған
Құранда түннің біз білмейтін сырлары айтылған

“Алла Тағала Құранда:Ұйқыларыңды дамылдап тынығудың бірден-бір жолы қылдық. Түнді (бейне бір)  жамылғы, ал күндізді тіршілік уақыты қылдық” Нәбә» сүресі, 9-10 – аяттар), – деп бұйырды.

Ұйқының пайдасы Алланың қараңғылығы арқылы болады. Американың Аризона университетінің зерттеуші ғалымдары ғылыми зерттеулер нәтижесінде  ұйқының қараңғылық уақытында адам денсаулығына пайдалы болуын және адамның иммунитетінің күшеюіне үлкен әсері бар екенін растады. Сонымен бірге, ғалымдар қараңғылықта адам организмінен сүт безі обыры мен простатит ауруларына қарсы тұруда рөлі зор – “мелатонин” гормоны бөлінетінін айтып өтті, деп жазады muslim.kz.

Бұл зерттеулер организмнен бөлінген мелатониннің рак клеткаларының дамуын тежейтінін анықтады. Жарық бөлмеде бұл гормон жұмыс істемейді екен. Ғалымдар бұл – Алла жаратқан табиғи емнің қараңғы түнді пайдаланғанда ғана жұмыс істейді дейді.

Қараңғылық – рактан белгілі уақытта ғана қорған болады. Қараңғы түн адам организміне белгілі бір гормондар бөлген сияқты,  күндізгі жарық  та адам организміне пайдалы басқа гормондарды (серотонин) бөледі. Бұл – гормондар иммунитетті  күшейтіп, организмді көптеген аурулардан қорғайды.

Құран Кәрімнің «Ғафир» сүресінде:

“Ол – тынығып дамылдауларың үшін түнді, айналаны емін-еркін көріп, тіршілік ете алуларың үшін күндізді жарық қылып жаратқан Алла…(61)”, – деп келді.

Жоғарыда айтылған түннің қараңғылық уақытының ең  пайдалы уақыты – кешкі 22:00 ден бастап түнгі 01.00 ге дейінгі аралықта болып табылады. Сондай-ақ кейде ұйықтасақ та, бөлмемімізге жарық қосып немесе қалта телефонының жарығына қарап жатып ұйықтау организмнен мелатониннің бөлінуін тежейтініне көзіміз жетті.

Керек десеңіз, мұсылман ғалымдары асқа жиырма төрт сағат жарық жанып тұратын жердегі ферма тауықтарынан гөрі үйде асыралатын: түнде өз уақытында ұйықтап, күндіз жем жейтін тауықты пайдалануға да кеңес береді. Алланың заңынан еш кемшілік табылмауы ақиқат. Тек адам баласы сол заңдылыққа сәйкес өмір сүрсе, екі дүниеде бақытты болар еді.

stan.kz

Ернар ЕлмуратовЕрнар Елмуратов
7 жыл бұрын 3228
0 пікір
Блог туралы