Мамандар екі жүзге жуық ерікті қатысқан зерттеу жұмысын жүргізіп, Альцгеймер ауруына шалдыққан адамның күндіз ұйқысы келіп жүретінін анықтады, деп хабарлайды Baq.kz ақпарат агенттігі korrespondent.net сайтына сілтеме жасап. 

АҚШ-тағы Вашингтон университетінің дәрігерлері күндізгі уақытта ұйқысы келіп жүретін адамдардың Альцгеймер ауруына шалдығу қаупі жоғары екенін анықтады. Ғалымдар мұны анықтау үшін 66 жастағы 189 адам қатысқан зерттеу жұмысын жүргізген.

Фитнес-трекерлердің көмегімен олар екі апта бойы еріктілердің биологиялық белсенділігін бақылады. Мұнымен қатар, магниттік-резонанстық томографияның көмегімен олардың миын зерттеді.

«Біздің жаңа зерттеуіміз Альцгеймер ауруына шалдыққан адамдардың биологиялық процесстерінде аралық үлкен үзілістер болатыны анықталды. Олар көбінесе түнде белсенділік танытып, күндіз маужырап жүреді», − дейді дәрігер Йо Эль Ю.