Министр олжалық аң аулауды дамытуды ұсынды (ВИДЕО)
Министр олжалық аң аулауды дамытуды ұсынды (ВИДЕО)

Бүгін Мәжілісте туристік заңнамаға өзгеріс енгізу бойынша баяндама жасаған ҚР мәдениет және спорт министрі Ақтоты Райымқұлова ел экономикасына кіріс түсіру мақсатында олжалық аң аулауды дамытуды ұсынды деп хабарлайды Dalainform тілшісі.

«Әлемдік тәжірибе кәрі жануарларды жоюдың ғылыми негізделген лимиті популяцияға депрессиялық әсер етпейтінін, ал кейбір жағдайларда оның өнімділігін арттыратындығын дәлелдеді«, – деп түсіндірді министр.

Оның сөзінше, Қазақстанда көптеген сирек кездесетін түрлер популяциясының қазіргі жағдайы тұрақтанды және аң аулау мақсатында қартайған жануарларды тұрақты пайдалануға болады.

Дегенмен ашық дереккөздегі ақпаратқа қарасақ, браконьерлік тыйылмай тұрған елімізде қуысмүйізділерден қарақұйрық, ақбөкен, таутеке, арқар мекендейді. Кейбір түрлері жыл санап азайып, Қызыл кітапқа енген.

Осы орайда, қазақтандықтарды, жол талғамайтын көлікте көздеріне түскен қарақұйрықтарды автоматпен түгел қырып салған бейнежазба шошытты. Дегенмен, «Маңғыстау облысында арабтардың аң аулауы» деп берілген роликтің осы жылдың басында Сауд Арабиясында түсіріліп, ол жақта да қатты наразылық тудырғаны белгілі болды.

Ернар ЕлмуратовЕрнар Елмуратов
16 күн бұрын 273
0 пікір
Блог туралы