Қытай қазағы Сіламбек Сағынышұлы қазақтың байырғы тері шаңғысы қалай жасалатынын айтып берді.

«Қазақтың байырғы тері шаңғысы кезінде әр үйде болған», – дейді ақсақал. Төмендегі видеодан байырғы қар шаңғысының қалай жасалып, қалай пайдаланатыны туралы толық көріп, білуге болады.

Ұлттық құндылығымызды ұлықтап жүрген қандасымыз Сіламбек Сағынышұлы Алтайдың Ласты ауылы Ноғайты деген қыстағында тұрады. Биыл пайғампар жасынан асқан қандасымыз әлі де көне мұрамыздың отын өшірмей жалғастырып келе жатқанын, сондай-ақ, арнайы шәкірт тәрбиелеп жатқанын айтады.